Կրասնոյարսկում կայացել է ՀՀ ԱԺ և ՌԴ ԴԺ միջև համագործակցության միջխորհրդարանական հանձնաժողովի նիստը

11 հուլիսի, 2022

Հուլիսի 11-ին Ռուսաստանի Կրասնոյարսկ քաղաքում կայացել է ՀՀ Ազգային ժողովի և ՌԴ Դաշնային ժողովի միջեւ համագործակցության միջխորհրդարանական հանձնաժողովի 35-րդ նիստը:

Մինչև նիստի մեկնարկը միջխորհրդարանական հանձնաժողովի համանախագահներ Հակոբ Արշակյանն ու Յուրի Վորոբյովը Հայաստանի Հանրապետության Ազգային ժողովի և Ռուսաստանի Դաշնության Դաշնային ժողովի միջեւ համագործակցության միջխորհրդարանական հանձնաժողովի անդամների ուղեկցությամբ ծաղկեպսակ և ծաղիկներ են դրել Հաղթանակի հուշահամալիրի հավերժական կրակի մոտ:

ՀՀ ԱԺ և ՌԴ ԴԺ միջև համագործակցության միջխորհրդարանական հանձնաժողովի նիստը վարել են Հակոբ Արշակյանն ու Յուրի Վորոբյովը։ Նիստի շրջանակներում ելույթով հանդես է եկել ՌԴ-ում ՀՀ դեսպան Վաղարշակ Հարությունյանը։

Նիստի ընթացքում քննարկվել են հայ-ռուսական համագործակցությանը, տնտեսական, մշակութային և կրթական ոլորտներում ազգային համայնքների դերակատարմանը, միջտարածաշրջանային կապերի զարգացմանն առնչվող հարցեր։ Քննարկման թեմաների շարքում են եղել նաև ԵԱՏՄ շրջանակներում երկկողմ համագործակցությունն, ինչպես նաև ՏՏ ոլորտի զարգացման հեռանկարները։

Նույնը օրը ՀՀ ԱԺ նախագահի տեղակալ Հ․ Արշակյանը, ՌԴ ԴԽ նախագայի տեղակալ Յու․ Վորոբյովը, ՌԴ-ում ՀՀ դեսպան Վ․ Հարությունյանն ու ՀՀ-ում ՌԴ դեսպան Ս․ Կապիրկինը հանդիպել են Կրասնոյարսկի երկրամասի ղեկավար Ալեքսանդր Ուսի հետ:

Զրույցի ընթացքում քննարկվել են տարածաշրջանային համագործակցության խթանմանն առնչվող հարցեր:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր