Դեսպան Վ․ Հարությունյանը հանդիպել է ՀՀ-ում Կիպրոսի դեսպան Կ․Յորգալիսի հետ

03 մարտի, 2023

Մարտի 3-ին ՌԴ-ում ՀՀ դեսպան Վաղարշակ Հարությունյանը հանդիպել է ՀՀ-ում Կիպրոսի Հանրապետության դեսպան Կիպրոս Յորգալիսի հետ (նստավայրը՝ ք․ Մոսկվա)։

Հանդիպմանը Վ․Հարությունյանն ու Կ․Յորգալիսը քննարկել են հայ-կիպրական օրակարգի հարցեր։

ՌԴ-ում ՀՀ դեսպանը գործընկերոջ հետ զրույցի ընթացքում ընդգծել է Կիպրոսի հետ երկկողմ և բազմակողմ ձևաչափերում փոխգործակցության կարևորությունն, ինչպես նաև շնորհակալություն հայտնել կիպրական կողմին՝ հայ ժողովրդին համերաշխություն ցուցաբերելու, ստեղծված իրավիճակի վերաբերյալ հստակ ու հասցեական արձագանք ներկայացնելու համար։

Վ․Հարությունյանը զրուցակցի ուշադրությունն է հրավիրել Ադրբեջանի կողմից 2022թ. սեպտեմբերին ՀՀ ինքնիշխան տարածքի դեմ սանձազերծած լայնածավալ ագրեսիայի, ինչպես նաև 2022թ. դեկտեմբերից Լեռնային Ղարաբաղի ապօրինի շրջափակման հետևանքով տարածաշրջանում ստեղծված իրավիճակին:

Հանդիպմանն առանձին անդրադարձ է կատարվել Ադրբեջանի կողմից Լաչինի միջանցքի արգելափակման հետևանքով Լեռնային Ղարաբաղի բնակչության առջև ծառացած հումանիտար մարտահրավերներին։

Կողմերը քննարկել են նաև երկկողմ հետաքրքրություն ներկայացնող մի շարք այլ հարցեր։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր