ՎԴՆԽ-ի «Հայաստան» տաղավարում կայացել է հայ-ռուսական տնտեսական կապերին նվիրված քննարկումը

11 հոկտեմբերի, 2022

Հոկտեմբերի 10-ին ՎԴՆԽ-ի «Հայաստան» տաղավարում կայացել է «Հայաստան-Ռուսաստան․բիզնես գործընկերության հեռանկարները» խորագրով կլոր-սեղան քննարկումը։

Միջոցառման շրջանակներում քննարկվել են երկու երկրների միջև առևտրատնտեսական կապերի հետագա զարգացմանն ուղղված տարաբնույթ հարցեր։

Միջոցառմանը ՌԴ-ում ՀՀ դեսպանության դեսպանորդ Արսեն Առաքելյանն ընթերցել է կլոր-սեղան քննարկման մասնակիցներին հասցեագրված ՌԴ-ում ՀՀ դեսպան Վաղարշակ Հարությունյանի ողջույնի ուղերձը։

Ելույթներով հանդես են եկել ՀՀ Էկոնոմիկայի նախարարի տեղակալ Արման Խոջոյանը, «Enterprise Armenia» հիմնադրամի տնօրեն Լևոն Օհանեսյանը, ՌԴ էկոնոմիկայի նախարարության ԱՊՀ երկրների հետ տնտեսական համագործակցության վարչության տնօրեն Յուլիա Նեստերչուկը, ՌԴ առևտրատնտեսական պալատի փոխնախագահ Վլադիմիր Պադալկոն, ՎԴՆԽ-ի «Հայաստան» տաղավարի տնօրեն Արտյոմ Մուսայելյանը, ՎԴՆԽ-ի տարածքների ռազմավարական զարգացման և կառավարման վարչության ԱՊՀ երկրների հետ աշխատանքի և արտաքին կապերի բաժնի ղեկավար Իրինա Յարեմկոն և այլք։

Միջոցառման մասնակիները ծանոթացել են երկու երկրների միջև գործընկերության ընդլայնմանն ուղղված առավել բարենպաստ պայմանների ստեղծման ուղղությամբ ՀՀ կառավարության կողմից իրականացվող աշխատանքներին։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր