Դեսպան Վ․ Հարությունյանն այցելել է «Ռուսաստանի տրանսպորտը» ցուցահանդես

17 նոյեմբերի, 2022

Նոյեմբերի 17-ին ՌԴ-ում ՀՀ դեսպան Վաղարշակ Հարությունյանն այցելել է Մոսկվայում նախօրեին բացված «Ռուսաստանի տրանսպորտը» խորագրով 16-րդ միջազգային ցուցահանդես։

Դեսպան Վ․Հարությունյանն իր գործընկերների՝ Ռուսաստանում հավատարմագրված օտարերկրյա պետությունների դեսպանների հետ շրջայց է կատարել ցուցասրահով և ծանոթացել տրանսպորտի բնագավառի առանցքային ծրագրերին։

16-րդ միջազգային ֆորումի և ցուցահանդեսի բացումը ՌԴ տրանսպորտային բնագավառի կարևորագույն իրադարձությունն է։ Ֆորումը և ցուցահանդեսը անցկացվում են Ռուսաստանում ընթացող «Տրանսպորտի շաբաթ» ծրագրի շրջանակներում։ Ֆորումը նվիրված է ՌԴ տրանսպորտային համալիրի զարգացման ռազմավարությանը նոր իրողություններում։ «Ռուսաստանի տրանսպորտը» խորագրով ցուցահանդեսին իրենց ծրագրերն են ներկայացրել ավելի քան 70 ընկերություն և կազմակերպություն։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր