«Վերածնունդ» դպրոցի աշակերտները այցելել են Լազարյան ինստիտուտի պատմական առանձնատուն

25 նոյեմբերի, 2022

ՌԴ-ում ՀՀ դեսպանության ներքո «Վերածնունդ» հայկական կիրակնօրյա դպրոցի աշակերտները ավանդական դարձած ամենամյա էքսկուրսիայի շրջանակում այցելել են Լազարյանների անվ․ արևելյան լեզուների ինստիտուտի պատմական շենքը, որտեղ տեղակայված է ՌԴ-ում ՀՀ դեսպանությունը։

Դեսպանության մամլո ծառայությունը հանդես է եկել ներածական դասախոսությամբ՝ նվիրված Լազարյան ինստիտուտին, իսկ այնուհետև՝ անցկացրել շրջայց պատմական առանձնատան դահլիճներով։

Միջոցառման շրջանակներում աշակերտները ծանոթացել են հայտնի առանձնատան ու անվանի տոհմի պատմությանը։ Դպրոցի տնօրեն, մ․գ․թ․ Շողիկ Փահլեվանյանն իր խոսքում շնորհակալություն է հայտնել ՌԴ-ում ՀՀ դեսպան Վաղարշակ Հարությունյանին ընձեռված հնարավորության և նախաձեռնությանը աջակցություն ցուցաբերելու համար։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր