Տեղի է ունեցել դեսպան Վ․ Հարությունյանի և «Պաղեստինյան կայսերական ուղղափառ ընկերություն» հկ-ի նախագահ Ս․ Ստեպաշինի հանդիպումը

09 դեկտեմբերի, 2022

Դեկտեմբերի 8-ին տեղի է ունեցել ՌԴ-ում ՀՀ դեսպան Վաղարշակ Հարությունյանի և «Պաղեստինյան կայսերական ուղղափառ ընկերություն» միջազգային հասարակական կազմակերպության նախագահ Սերգեյ Ստեպաշինի հանդիպումը։ Հանդիպմանը մասնակցել է նաև կառույցի նախագահի տեղակալ Ելենա Ագապովան։

Ջերմ ողջունելով ՌԴ-ում ՀՀ դեսպանին՝ Ս․ Ստեպաշինը ներկայացրել է իր գլխավորած կառույցի գործունեությունը, պատմել կազմակերպության պատմական առաքելության, նպատակների և Մերձավոր Արևելքում ու այլ տարածաշրջաններում ծավալված գործունեության մասին։ Նա նաև կիսվել է Հայաստան կատարած իր այցերի տպավորություններով և խոսել Հայ Առաքելական Եկեղեցու հետ համագործակցության մասին։

Վ․ Հարությունյանը, շնորհակալություն հայտնելով զրուցակցին ջերմ ընդունելության համար, կարևորել է կառույցի հումանիտար գործունեությունը։

Զրույցի ընթացքում Վ․ Հարությունյանն ու Ս․ Ստեպաշինը մտքեր են փոխանակել նաև տարածաշրջանին և միջազգային օրակարգին առնչվող մի շարք հարցերի շուրջ։

Հանդիպման ավարտին դեսպան Վ․ Հարությունյանը շրջայց է կատարել կառույցի պատմության թանգարանում։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր