ՌԴ-ում ՀՀ դեսպան Վաղարշակ Հարությունյանը հանդիպել է «Деловая Россия» համառուսաստանյան հասարակական կազմակերպության փոխնախագահ, գործադիր կոմիտեի ղեկավար Նոննա Ղահրամանյանի հետ

25 հունվարի, 2023

Հունվարի 24-ին կայացել է ՌԴ-ում ՀՀ դեսպան Վաղարշակ Հարությունյանի հանդիպումը «Деловая Россия» համառուսաստանյան հասարակական կազմակերպության փոխնախագահ, գործադիր կոմիտեի ղեկավար Նոննա Ղահրամանյանի հետ։

Հանդիպման ընթացքում կողմերը քննարկել են առևտրատնտեսական, հումանիտար և այլ ոլորտներում հայ-ռուսական համագործակցության մեծ ներուժը։

Ն.Ղահրամանյանը դեսպանին պատմել է միջազգային գործունեության շրջանակում «Деловая Россия» կազմակերպության կողմից իրականացվող նախագծերի մասին։

Իր հերթին դեսպան Վ.Հարությունյանն ընդգծել է համատեղ միջոցառումների, վեբինարների, բիզնես առաքելությունների և b2b-հանդիպումների միջոցով փոխգործակցության ակտիվացման կարևորությունը։

Հանդիպման ավարտին կողմերը պայմանավորվածություն են ձեռք բերել հայաստանյան և ռուսաստանյան գործարար շրջանակների փոխգործակցության ակտիվացման շուրջ։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր