ՌԴ-ում ՀՀ դեսպանը հանդիպել է Յարոսլավլի մարզի հայ համայնքի ներկայացուցիչների հետ և այցելել «Սուրբ Գևորգ» Հայ Առաքելական եկեղեցի

15 փետրվարի, 2023

Փետրվարի 14-ին ՌԴ Յարոսլավլի մարզ կատարած աշխատանքային այցի շրջանակներում ՌԴ-ում ՀՀ դեսպան Վաղարշակ Հարությունյանը Պերեսլավլ-Զալեսկի քաղաքում հանդիպել է տեղի հայ համայնքի ներկայացուցիչների հետ։

Հանդիպմանը դեսպան Վ․Հարությունյանը խոսել է արդի հայ-ռուսական հարաբերությունների մասին, ընդգծել Հայաստանի և Ռուսաստանի մարզերի միջև միջտարածաշրջանային հարաբերությունների զարգացմանն կարևորությունն, ինչպես նաև առանձին անդրադարձ կատարել տարածաշրջանում ստեղծված իրավիճակին։

ՌԴ-ում ՀՀ դեսպանը պատասխանել է նաև հանդիպման մասնակիցների մի շարք հարցերի՝ անդրադառնալով ՀՀ արտաքին քաղաքականությանը, ՀՀ-ում ստեղծված ներդրումային բարենպաստ միջավայրին, կառավարության առաջնահերթություններին և այլ թեմաներին։

Վ․Հարությունյանն այցելել է նաև Յարոսլավլ քաղաքի «Սուրբ Գևորգ» Հայ Առաքելական եկեղեցի, ինչպես նաև եկեղեցուն կից գործող հայկական մշակութային կենտրոն ու կիրակնօրյա դպրոց։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր