Դեսպան Վ․Հարությունյանը մասնակցել է «Բիբլիո գլոբուս» գրատան հարթակում ստեղծված «Ռուս-հայկական ակումբի» առաջին հանդիպմանը

28 փետրվարի, 2023

Փետրվարի 27-ին մոսկովյան «Բիբլիո գլոբուս» գրատանը մեկնարկ է տրվել «Ռուս-հայկական ակումբի»՝ Մոսկվայի գլխավոր գրատան և «Դիալոգ» հասարակական կազմակերպության համատեղ ծրագրի աշխատանքներին։ Միջոցառման շրջանակում կայացել է նաև «Հայ-ռուսական դաշինքի ընտիր էջեր» խորագրով հոդվածների ժողովածուի շնորհանդեսը։

Միջոցառմանը ողջույնի խոսքով հանդես է եկել ՌԴ-ում ՀՀ դեսպան Վաղարշակ Հարությունյանը։ Իր խոսքում ՌԴ-ում ՀՀ դեսպանն ընդգծել է Հայաստանի և Ռուսաստանի հասարակական, կրթական և գիտական շրջանակների միջև համանման նախաձեռնությունների իրականացման կարևորությունը։ Վ․Հարությունյանը բարձր է գնահատել նաև լույս տեսած հոդվածների ժողովածուն։

Նախաձեռնության և ժողովածուի հրատարակման մասին միջոցառմանը խոսել է «Դիալոգ» հկ-ի նախագահ, Ռուս-հայկական «Բիբլիո գլոբուս» ակումբի համակարգող Յուրի Նավոյանը։ Միջոցառմանը ելույթներով հանդես են եկել նաև ՌԳԱ Եվ․Պրիմակովի անվ․ Համաշխարհային տնտեսության և միջազգային հարաբերությունների ազգային հետազոտական ինստիտուտի գլխավոր գիտաշխատող Ալեքսանդր Կրիլովը և ՌԴ ԱԳՆ ԱՊՀ երկրների չորրորդ դեպարտամենտի տնօրենի տեղակալ Սերգեյ Պալտովը։

***

«Ռուս-հայկական ակումբի» նպատակն է աջակցել լայն հանրությանը առավել խորը տեղեկատվություն ստանալ Հայաստանի և Ռուսաստանի պատմության, երկու երկրների գիտական, տնտեսական ներուժի և մշակութային ժառանգության մասին։ Ակումբը մտադիր է իրագործել մի շարք նախաձեռնություններ՝ գրքերի շնորհանդեսներ, ցուցահանդեսներ, հանդիպում-քննարկումներ և գիտաժողովներ։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր