Դեսպան Վ․Հարությունյանը հանդիպել է Պոդոլսկի «Նաիրի» միության անդամների հետ

13 մարտի, 2023

Մարտի 13-ին ՌԴ-ում ՀՀ դեսպան Վաղարշակ Հարությունյանն ընդունել է «Նաիրի» մշակութային-լուսավորչական միության նախագահ Անդրանիկ Մկրտչյանին և կառույցի անդամներին։

Հանդիպմանը Վ․Հարությունյանը հայ-ռուսական բազմակողմ երկխոսության ամրապնդման համատեքստում ընդգծել է հայ համայնքային կառույցների հետ համագործակցության նոր ձևաչափերի մշակման կարևորությունը։

ՌԴ-ում ՀՀ դեսպանը նշել է նաև, որ համայնքային կառույցները կարևոր դերակատարում ունեն հայ-ռուսական միջտարածաշրջանային համագործակցության զարգացման գործում։

Հանդիպմանը «Նաիրի» միության նախագահը ներկայացրել է կազմակերպության գործունեության հիմնական ուղղություններն ու պատմել իրականացվող ծրագրերի մասին։

Զրուցակիցները քննարկել են փոխգործակցության զարգացմանն առնչվող մի շարք հարցեր, ինչպես նաև մտքեր փոխանակել հումանիտար և մշակութային նախաձեռնությունների իրականացման վերաբերյալ։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր