Ծաղկաձորում կայացել է ՀՀ ԱԺ եւ ՌԴ ԴԺ միջեւ համագործակցության միջխորհրդարանական հանձնաժողովի 36-րդ նիստը

17 մարտի, 2023

Հայաստանի Հանրապետության Ազգային ժողովի եւ Ռուսաստանի Դաշնության Դաշնային ժողովի միջեւ համագործակցության միջխորհրդարանական հանձնաժողովի 36-րդ նիստն այս անգամ անցկացվել է Ծաղկաձորում:

Նիստին բացման ելույթներով հանդես են եկել ՀՀ ԱԺ նախագահի տեղակալ, հանձնաժողովի համանախագահ Հակոբ Արշակյանն ու ՌԴ ԴԽ նախագահի տեղակալ, հանձնաժողովի համանախագահ Յուրի Վորոբյովը։

Իրենց ելույթներում համանախագահներն ընդգծել են հայ-ռուսական միջխորհրդարանական համագործակցության և երկու ժողովուրդների միջև պատմականորեն հաստատված բարեկամական հարաբերությունների վրա հիմնված դաշնակցային փոխգործակցության կարևորությունը։

Ելույթներով հանդես են եկել նաև ՌԴ-ում ՀՀ դեսպան Վաղարշակ Հարությունյանը և ՀՀ-ում ՌԴ դեսպան Սերգեյ Կոպիրկինն՝ անդրադառնալով միջխորհրդարանական կապերին և դաշնակցային փոխգործակցության առանձին հարցերին։

Միջխորհրդարանական հանձնաժողովի անդամներն ու երկու երկրների գործադիր իշխանությունների ներկայացուցիչներն օրակարգային հարցերի շրջանակում անդրադարձել են հումանիտար եւ տնտեսական համագործակցության խնդիրներին ու ձեռքբերումներին, ինչպես նաեւ հայ-ռուսական համագործակցության հեռանկարներին։

Նիստի ավարտին Հայաստանի Տավուշի մարզի եւ Ռուսաստանի Կրասնոյարսկի երկրամասի միջեւ ստորագրվել է համագործակցության հուշագիր:

Որոշվել է միջխորհրդարանական հանձնաժողովի 37-րդ նիստն անցկացնել Ռուսաստանի Դաշնությունում` Իրկուտսկում:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր