«Սարյանից մինչև Փարաջանով» ցուցահանդեսի բացումը ք․Սոչիում և հայ կինոյի 100-ամյակին նվիրված ռետրոսպեկտիվ ցուցադրում

03 ապրիլի, 2023

«Հայաստանի օրերը Կրասնոդարի երկրամասում» ծրագրի շրջանակում ք․Սոչիի Գեղարվեստի թանգարանում բացվել է «Սարյանից մինչև Փարաջանով» խորագրով ցուցահանդեսը։

Ցուցահանդեսի բացմանը ներկա են եղել ՌԴ-ում ՀՀ դեսպան Վաղարշակ Հարությունյանը, ք․Սոչիի վարչակազմի և հայ համայնքի ներկայացուցիչները։

Միջոցառմանը ելույթներով հանդես են եկել ՌԴ-ում ՀՀ դեսպանության Մշակույթի կենտրոնի ղեկավար Վլադիմիր Գաբբեն և ք․Սոչիի վարչակազմի մշակույթի զարգացման, արվեստի, թանգարանային գործի և լրացուցիչ կրթության վարչության ավագ մասնագետ Աննա Բաբկովան։

Ցուցահանդեսին, որը կգործի մինչև ապրիլի 16-ը, ներկայացված է 22 կտավ, որոնց թվում են՝ Վ․Սուրենյանցի, Գ․Բաշինջաղյանի, Մ․Սարյանի, Մ․Ավետիսյանի, Հ․Զարդարյանի, Գ․Խանջյանի, Դ․Նալբանդյանի, Հ․Կոջոյանի, Գ․Խաչատրյանի և Ս․Փարաջանովի աշխատանքները։

Ծրագրի շրջանակներում ք․ Սոչիի արտ-մեդիա կենտրոնում կայացել է նաև «Մայրիկ» (ռեժիսոր՝ Անրի Վերնոյ) կինոնկարի ցուցադրումը։

Ցուցադրումը տեղի է ունեցել «Հայ կինոյի 100-ամյակին նվիրված ռետրոսպեկտիվ» խորագրով ծրագրի շրջանակում։

Ֆիլմի ցուցադրմանը նախորդել են Վլադիմիր Գաբբեի և ք․Սոչիի վարչակազմի մշակույթի զարգացման, արվեստի, թանգարանային գործի և լրացուցիչ կրթության վարչության ղեկավար Տատյանա Բալիկոևայի ելույթները։

Նշենք, որ մինչև ս/թ․ ապրիլի 5-ը Սոչիի տարբեր հարթակներում կկայանան Ս․Փարաջանովի «Նռան գույնը», Ա․Մկրտչյանի «Մեր մանկության տանգոն», Է․Քեոսայանի «Տղամարդիկ», Ն․Հովհաննիսյանի «Հարսնացու հյուսիսից» ֆիլմերի ցուցարդումները։ Մանուկների համար կկանցակցվի Հ․Թումանյանի հեքիաթների հիման վրա նկարահանված մուլտֆիլմերի ցուցադրում։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր