Դեսպան Վ․Հարությունյանը շնորհավորել է մեծանուն գիտնական Յու․Հովհաննիսյանին 90-ամյակի առթիվ

14 ապրիլի, 2023

Ապրիլի 14-ին մեծանուն գիտնական, ՄՀՄԻ միջուկային ռեակցիաների լաբորատորիայի գիտական ղեկավար, ՌԳԱ ակադեմիկոս Յուրի Հովհաննիսյանը, ում պատվին անվանվել է Մենդելեևի պարբերական աղյուսակի 118-րդ քիմիական տարրը, նշում է իր 90-ամյա հոբելյանը։

Հոբելյանի առթիվ Մոսկվայի Գիտնականի տանը կայացել է տոնական միջոցառում։

ՌԴ-ում ՀՀ դեսպան Վաղարշակ Հարությունյանը, ելույթ ունենալով միջոցառմանը, իր շնորհավորական խոսքում ընդգծել է, որ Հայաստանը բարձր է գնահատում մեծանուն գիտնականի ավանդը համաշխարհային գիտության մեջ և մեծ հարգանք տածում նրա հանդեպ։

«Ամենայն վստահությամբ կարող եմ ասել, որ յուրաքանչյուր հայ ինչպես Ռուսաստանում և Հայաստանում, այնպես էլ ողջ աշխարհում մեծ հարգանքով է լցված Ձեր նկատմամբ», - նշել է ՌԴ-ում ՀՀ դեսպանը։

Դեսպան Վ․Հարությունյանը մաղթել է նաև Յու․Հովհաննիսյանին քաջառողջություն ու կենսունակություն նորանոր նախաձեռնությունների կյանքի կոչման համար։

Միջոցառմանը ելույթներով հանդես են եկել նաև գիտական, հասարակական և մշակութային ոլորտի ներկայացուցիչներ։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր