Դեսպան Վ.Հարությունյանն այցելել է Մոսկվայի ԺՏՁՑ (ВДНХ) համալիրի «Արմենիա» տաղավար

18 հուլիսի, 2023

Հուլիսի 17-ին Ռուսաստանի Դաշնությունում Հայաստանի Հանրապետության դեսպան Վաղարշակ Հարությունյանը և Մոսկվայի ԺՏՁՑ (ВДНХ) համալիրի ԱՊՀ երկրների հետ աշխատանքի և արտաքին կապերի վարչության պետ Իրինա Յարեմկոն այցելել են համալիրի «Արմենիա» տաղավար՝ համագործակցության հետագա քայլերն ու տաղավարի տարեկան աշխատանքային ծրագիրը քննարկելու նպատակով։

Այցի ընթացքում Վ.Հարությունյանն ու Ի.Յարեմկոն ծանոթացել են դեսպանության նախաձեռնությամբ վերջերս բացված՝ դեպի Հայաստան VR-ճամփորդության հարթակի աշխատանքին։ Նորաբաց հարթակը հնարավորություն է տալիս տաղավարի այցելուներին վիրտուալ շրջայց կատարել Հայաստանով և ծանոթանալ երկրի պատմական հուշարձաններին ու տեսարժան վայրերին։ Նշված նախաձեռնությունն ուղղված է Հայաստանի ճանաչելիության բարձրացմանը, զբոսաշրջության ոլորտի զարգացմանը, զբոսաշրջային օբյեկտների հանրահռչակմանն ու արդեն իսկ մեծ պահանջարկ ունի տաղավարի երիտասարդ այցելուների շրջանում։

Դեսպանությունը շարունակում է հետևողական աշխատանքեր տանել «Արմենիա» տաղավարի գործունեության կատարելագործման և նոր նախաձեռնությունների մշակման ուղղությամբ։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր