Դեսպան Վ.Հարությունյանը Դոնի Ռոստովում մասնակցել է Գևորգ Վարդանյանի անվան պատմացուցադրական կենտրոն-թանգարանի հիմնարկեքի արարողությանը

19 փետրվարի, 2024

Ռուսաստանի Դաշնությունում Հայաստանի Հանրապետության դեսպան Վաղարշակ Հարությունյանը Դոնի Ռոստովում մասնակցել է ԽՍՀՄ հերոս, Հայրենական մեծ պատերազմի վետերան, խորհրդային հետախույզ Գևորգ Վարդանյանի անվան պատմացուցադրական կենտրոն-թանգարանի հիմնարկեքի արարողությանը։

Միջոցառումը կազմակերպվել էր լեգենդար հետախույզի ծննդյան 100-ամյակի օրը։

Արարողությանը մասնակցել են նաև Ռոստովի մարզի նահանգապետ Վասիլի Գոլուբևը, Հարավային դաշնային շրջանում ՌԴ նախագահի ներկայացուցչի տեղակալ Վլադիմիր Գուրբան, Ռուսաստանի ԱԴԾ Ռոստովի մարզի վարչության պետ Իգոր Գոլդոբինը։

«Ուրախ ենք, որ հայ-ռուսական դարավոր բարեկամության ևս մեկ վկայություն արժանիորեն կլրացնի այս հրաշալի քաղաքի ճարտարապետական տեսքն ու կդառնա Դոնի Ռոստովի բնակիչների սիրելի վայրերից մեկը»,- իր խոսքում նշել է դեսպան Հարությունյանը։

ՀՀ դեսպանը շնորհակալություն է հայտնել նաև Ռոստովի մարզի հայ համայնքի ղեկավար Հարություն Սուրմալյանին՝ նման կարևոր և պատմական նշանակություն ունեցող նախաձեռնության համար։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր