ՀՀ դեսպանը հանդիպել է Ռուսաստանի Դաշնության Դաշնային ժողովի Դաշնության խորհրդի Միջազգային գործերի կոմիտեի նախագահի հետ

03 հոկտեմբերի, 2024

Հոկտեմբերի 3-ին ՀՀ դեսպան Գուրգեն Արսենյանն այց է կատարել Ռուսաստանի Դաշնության Դաշնային ժողովի Դաշնության խորհուրդ, որտեղ հանդիպել է Դաշնության խորհրդի Միջազգային գործերի կոմիտեի նախագահ Գրիգորի Կարասինի հետ։ Հանդիպմանը մասնակցել է նաև Կոմիտեի նախագահի առաջին տեղակալ, ՀՀ Ազգային ժողովի և ՌԴ Դաշնային ժողովի միջև համագործակցության միջխորհրդարանական հանձնաժողովի անդամ Վլադիմիր Ջաբարովը։

Գուրգեն Արսենյանը ներկայացրել է Արտակարգ և լիազոր դեսպանի պաշտոնում իր գործունեության առաջնահերթությունները։ Այդ համատեքստում նա նշել է հայ-ռուսական հարաբերություններն այնպիսի վիճակի հասցնելու անհրաժեշտությունը, որը բավարար կլինի երկու պետությունների համար։

Զրուցակիցները քննարկել են հայ-ռուսական օրակարգի առաջնահերթ հարցեր, գնահատականներ են փոխանակել արդի միջազգային և տարածաշրջանային խնդիրների շուրջ, ինչպես նաև ընդգծել շարունակական միջխորհրդարանական երկխոսության կարևորությունը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր