Երեւանում բացվել է «EXPO-RUSSIA ARMENIA 2012» 5-րդ հոբելյանական ցուցահանդեսը

24 հոկտեմբերի, 2012

Հայաստանի Հանրապետության Կառավարության տանը հոկտեմբերի 24-26-ը անցկացվում է «EXPO-RUSSIA- ARMENIA 2012» հայ-ռուսական արդյունաբերական 5-րդ հոբելյանական ցուցահանդեսը:

Ցուցահանդեսի շրջանակներում կկազմակերպվեն կլոր սեղաններ` ՀՀ էներգետիկայի և բնական պաշարների, տրանսպորտի և կապի, առողջապահության, կրթության և գիտության, գյուղատնտեսության նախարարություններում, ինչպես նաև նպատակային հանդիպումներ Ռուսաստանի հետ ավանդաբար համագործակցող Հայաստանի ձեռնարկություններում և գիտահետազոտական հաստատություններում:

«EXPO-RUSSIA-ARMENIA» ցուցահանդեսի կազմակերպիչներն են «Զարուբեժ-Էքսպո» ԲԲԸ-ն եւ «Մուլտի Գրուպ» կոնցեռնը: Միջոցառումներն անցկացվում են Ռուսաստանի առեւտրաարդյունաբերական պալատի, ՌԴ Պետդումայի, ԱԳՆ-ի եւ Ռուսաստանի արդյունաբերական նախարարությունների, ինչպես նաեւ Հայաստանի Կառավարության, Ազգային Ժողովի եւ Էկոնոմիկայի նախարարության, ՀՀ-ում ՌԴ դեսպանատան եւ ՌԴ-ում ՀՀ դեսպանության աջակցությամբ:

Հայ-ռուսական ամենամյա արդյունաբերական EXPO-RUSSIA ARMENIA-ի առաջին ցուցահանդեսը տեղի է ունեցել 2008 թ.-ին Երեւանում: Անցած 4 տարիներին ընթացքում ցուցահանդեսին մասնակցել են ավելի քան 5000 ընկերություններ` Ռուսաստանի եւ Հայաստանի 35 շրջաններից:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր