Բարեգործական դրամահավաք-ճաշկերույթ Մոսկվայում

09 նոյեմբերի, 2012

Ս/թ. նոյեմբերի 8-ին Մոսկվայում տեղի է ունեցել համահայկական հիմնադրամի ամենամյա դրամահավաք-ճաշկերույթը, որին մասնակցել են ԼՂՀ նախագահ Բակո Սահակյանը, ՀՀ ԱԺ նախագահ Հովիկ Աբրահամյանը, Նոր Նախիջեւանի եւ Ռուսաստանի Հայոց թեմի առաջնորդ Գերաշնորհ Տ. Եզրաս Եպիսկոպոս Ներսիսյանը, Ռուսաստանի Դաշնությունում Հայաստանի Հանրապետության արտակարգ եւ լիազոր դեսպան Օլեգ Եսայանը, համահայկական հիմնադրամի գործադիր տնօրեն Արա Վարդանյանը եւ ռուսաստանաբնակ շուրջ 40 գործարար: Ճաշկերույթի ավարտին հավաքագրվել է 12 միլիոն 100 հազար ԱՄՆ դոլարի խոստում:

Բարեգործական ճաշկերույթին բացման խոսքով հանդես է եկել ՌԴ-ում ՀՀ դեսպան Օ.Եսայանը, ով ընդգծել է բարեգործության եւ միասնության խորհրդի նշանակությունը հայ ժողովրդի պատմական անցյալում՝ նշելով մեր օրերում հասարակության բոլոր շրջանակների մասնակցության կարեւորությունը համահայկական ծրագրերի իրականացման գործում:

Ճաշկերույթին ելույթ են ունեցել նաեւ ԼՂՀ նախագահ Բ.Սահակյանը, ՀՀ ԱԺ նախագահ Հ.Աբրահամյանը, «Ռուսաստանի հայերի միության» նախագահ Ա.Աբրահամյանը եւ այլք:

Հեռուստամարաթոնից հետո կհրապարակվի նվիրատուների եւ նվիրատվությունների ամբողջական ցանկը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր