Քաղաքական խորհրդատվություններ ՀՀ ԱԳՆ եւ ՌԴ ԱԳՆ միջեւ

13 նոյեմբերի, 2012

Ս/թ. նոյեմբերի 12-ին Մոսկվայում անցկացվել են ՀՀ ԱԳՆ եւ ՌԴ ԱԳՆ միջեւ քաղաքական խորհրդատվություններ արտաքին քաղաքականության տեղեկատվական ապահովման հարցերի վերաբերյալ: Հայկական կողմի պատվիրակությունը գլխավորում էր ՀՀ ԱԳ նախարարի խորհրդական, Մամուլի, տեղեկատվության եւ հասարակայնության հետ կապերի վարչության ղեկավար Տիգրան Մկրտչյանը, իսկ ռուսական կողմի պատվիրակությունը՝ ՌԴ ԱԳՆ Մամուլի եւ տեղեկատվության վարչության ղեկավար Ալեքսանդր Լուկաշեւիչը:

Խորհրդատվության մասնակիցները մանրամասն քննարկել են տեղեկատվական ոլորտում երկու երկրների ԱԳ նախարարությունների գործունեությունը, մասնավորապես՝ անդրադառնալով նորագույն տեխնոլոգիաների կիրառմանն ու սոցիալական ցանցերի միջոցով տեղեկատվության տարածման փորձին: Տեղի է ունեցել նաեւ մտքերի փոխանակում տեղեկատվական դաշտում ՀՀ եւ ՌԴ միջեւ համագործակցության առանձին հարցերի շուրջ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր