Հոգեհանգստի պատարագ Մոսկվայի Սբ.Հարություն եկեղեցում՝ ի հիշատակ 1988թ.-ի երկրաշարժի զոհերի

10 դեկտեմբերի, 2012

Ս/թ. դեկտեմբերի 9-ին Մոսկվայի «Սուրբ Հարություն» եկեղեցում մատուցվել է հոգեհանգստի պատարագ՝ ի հիշատակ 1988թ.-ին Հայաստանում տեղի ունեցած ավերիչ երկրաշարժի զոհ դարձած ավելի քան 25 հազար անմեղ մարդկանց:

Պատարգին ներկա են գտնվել ՌԴ-ում ՀՀ դեսպան Օ.Եսայանը եւ ՌԴ-ում ՀՀ դեսպանության դիվանագետները, մոսկվաբնակ հայազգի մշակույթի գործիչներ, համայնքային կառույցների եւ տեղական լրատվամիջոցների ներկայացուցիչներ: Ներկաներին ուղղված սփոփանքի, բարեգթության եւ միասնության կոչով հանդես է եկել Հայ Առաքելական Եկեղեցու Նոր Նախիջեւանի եւ Ռուսաստանի Հայոց Թեմի առաջնորդ Գերաշնորհ Տեր Եզրաս Եպիսկոպոս Ներսիսյանը:

Հոգեհանգստի պատարագի ավարտին մասնակիցները ծաղիկներ են դրել 1988թ.-ի երկրաշարժի զոհերի հիշատակը հավերժացնող խաչքարի դիմաց:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր