Միջոցառում՝ նվիրված ԼՂԻՄ մարզխորհրդի 1988թ. որոշման 25-ամյակին

20 փետրվարի, 2013

Փետրվարի 20-ին ՌԴ-ում ՀՀ դեսպանությունում տեղի է ունեցել հանդիսավոր միջոցառում՝ նվիրված 1988թ.-ին ԼՂԻՄ մարզխորհրդի 20-րդ նստաշրջանին ընդունված որոշման 25-ամյակին, որի համաձայն ԼՂԻՄ մարզխորհուրդը վճռեց դիմել Ադրբեջանի ԽՍՀ, Հայկական ԽՍՀ եւ ԽՍՀՄ Գերագույն խորհուրդներին՝ մարզը Ադրբեջանի կազմից դուրս բերելու եւ Հայաստանի կազմի մեջ ընդգրկելու մասին:

Միջոցառմանը ելույթով հանդես է եկել ՌԴ-ում ՀՀ դեսպան Օ.Եսայանը, ով իր խոսքում նշել է, որ 1988-ի իրադարձություններն ազդարարել են հայոց պետականության զարթոնքի սկիզբը: «Փետրվարի 20-ը փառավոր օր է հայոց նորագույն պատմության մեջ, քանի որ 1988թ.-ի ԼՂԻՄ մարզխորհրդի 20-րդ նստաշրջանին ընդունված որոշումը սկիզբ դրեց բացառիկ, նախատիպը չունեցող այն իրավական գործընթացին, որը տարիներ անց ողջ հայության անձնվերության, հայ մարտիկների ոգու տոկունության եւ հերոսական հաղթանակների արձանագրման ճանապարհով պետք է պսակվեր Լեռնային Ղարաբաղի Հանրապետության անկախության հռչակմամբ», - ընդգծել է Օլեգ Եսայանը:

Ներկաներին ուղղված խոսքով հանդես է եկել նաեւ «Ղարաբաղյան շարժման» ակունքներում կանգնած, նշանավոր պետական, հասարակական գործիչ Սեմյոն Բաբայանը, ով 1988թ.-ին գլխավորել է նաեւ ԼՂԻՄ մարզային խորհուրդը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր