Օ.Եսայանի այցը «Ноев Ковчег» թերթի խմբագրություն

27 մարտի, 2013

Մարտի 26-ին ՌԴ-ում ՀՀ դեսպան Օլեգ Եսայանը «Ноев Ковчег» թերթի խմբագրությունում հանդիպում է ունեցել խմբագրակազմի հետ եւ պատասխանել լրագրողների տարաբնույթ հարցերին, որոնք վերաբերում էին Հայաստանի ներքին եւ արտաքին քաղաքական կյանքին:

Օ.Եսայանը բարձր է գնահատել թերթի գործունեությունը` նշելով, որ այն վերջին տարիների արձանագրել է լուրջ հաջողություններ եւ ձեռք բերել տեղեկատվության վստահելի աղբյուրի համբավ:

Նա առանձնահատուկ ընդգծել է թերթի դերը հայ-ռուսական հարաբերությունների եւ ՌԴ-ում բնակվող հայ համայնքի համախմբման գործում:

Հանդիպման ավարտին Օ.Եսայանը հանձնել է «Ноев Ковчег» թերթի գլխավոր խմբագիր Գրիգորի Անիսոնյանին ՀՀ մշակույթի նախարարության ոսկե մեդալը հայ մշակույթի զարգացման եւ հանրահռչակման գործում ունեցած զգալի ավանդի համար:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր