Սփյուռքի լրագրողների դասընթաց

11 ապրիլի, 2014

Սփյուռքի լրագրողների դպրոցում կվերապատրաստվեն ինչպես Սփյուռքի հայկական ԶԼՄ-ում աշխատող, այնպես էլ համայնքների կողմից երաշխավորված լրագրողներ, ովքեր պատրաստվում են աշխատել տվյալ համայնքի ԶԼՄ-ում: Դասընթացները կանցկացվեն 2014թ.-ի հուլիսի 21-ից օգոստոսի 2-ը:

Դասընթացներին սփյուռքի լրագրողները հնարավորություն կունենան տեսական և գործնական գիտելիքներ ստանալ Հայաստանի և Սփյուռքի ճանաչված և բազմափորձ լրագրողներից, պետական-հասարակական գործիչներից, ծանոթանալ Հայաստանի ներքին և արտաքին քաղաքական հիմնախնդիրներին, ներկա լինել համահայկական նշանակության խնդիրներին նվիրված դասախոսությունների:

Դասընթացների մասնակիցների համար կկազմակերպվեն մշակութային միջոցառումներ, այցելություններ Հայաստանի պատմական ու տեսարժան վայրեր: Դասընթացներն անցկացվելու են հայերենով:

Առավել մանրամասն տեղեկատվության համար խնդրում ենք դիմել ՀՀ Սփյուռքի նախարարություն (էլ.փոստ: info@mindiaspora.am, mindiaspora@yahoo.com, հեռ.: +37410585601 /109/): Դիմում-հայտերի ներկայացման վերջնաժամկետը հունիսի 15-ն է:

«Սփյուռք» ամառային դպրոցի լրագրողների դասընթացների մասին տեղեկատվությունը, դասընթացների մասնակցության հայտերը զետեղված են նաև ՀՀ սփյուռքի նախարարության կայքէջում` www.mindiaspora.am և «Հայերն այսօր»` www.hayernaysor.am էլեկտրոնային թերթում:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր