ՀՀ քաղաքացիների ՌԴ տարածքում գտնվելու կարգի մասին

12 հուլիսի, 2014

Հայաստանի Հանրապետության և Ռուսաստանի Դաշնության միգրացիոն ծառայությունների ղեկավարները ս/թ. հուլիսի 11-ին ք. Սոչիում ստորագրել են «Հայաստանի Հանրապետության և Ռուսաստանի Դաշնության կառավարությունների միջև ՌԴ տարածքում ՀՀ քաղաքացիների և ՀՀ տարածքում ՌԴ քաղաքացիների գտնվելու կարգի մասին» համաձայնագիրը:

Համաձայնագրի ստորագրման արարողությանը նախորդել է ՀՀ վարչապետ Հ.Աբրահամյանի և ՌԴ վարչապետ Դ.Մեդվեդևի միջև կայացած հանդիպումը:

Ստորագրված փաստաթուղթը կարգավորում է ՀՀ և ՌԴ քաղաքացիների` երկու երկրների տարածքում գտնվելու կարգը, համաձայն որի` մեկ կողմի պետության տարածքում ժամանակավորապես գտնվող մյուս կողմի պետության քաղաքացիներն ազատվում են մուտքի պետության իրավասու մարմիններում 30 օրվա ընթացքում գրանցվելու պարտականությունից:

30 օր սահմանված ժամկետը երկարաձգելու համար քաղաքացիները պարտավորված են դիմել տեղի իրավասու մարմիններ` գրանցման նպատակով:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր