Հայ բժիշկների համառուսաստանյան առաջին գիտաժողովը Մոսկվայում

16 հոկտեմբերի, 2014

Ս/թ. հոկտեմբերի 15-ին Ռուսաստանի Հայերի միության բժիշկների ասոցիացիան Մոսկվայի ՀԱԵ վանական համալիրի հանդիսությունների սրահում անց է կացրել հայ բժիշկների համառուսաստանյան առաջին գիտաժողովը:

Համաժողովին բացման խոսքերով հանդես են եկել ՀԱԵ Ռուսաստանի և Նոր Նախիջևանի Հայոց թեմի առաջնորդ Եզրաս արքեպիսկոպոս Ներսիսյանը, ՌԴ-ում ՀՀ Արտակարգ և լիազոր դեսպան Օ.Եսայանը, ՀՀ Առողջապահության նախարար Ա.Մուրադյանը:

ՌԴ-ում ՀՀ դեսպան Օ.Եսայանն իր ելույթում կարևորել է նման կառույցի կազմավորման նշանակությունը, որն իր շուրջն է համախմբել ՌԴ-ում բնակվող բժշկության ոլորտի հայազգի բարձրակարգ մասնագետներին: Դեսպան Օ.Եսայանը հայտնել է նաև դեսպանության պատրաստակամությունն աջակցել նշյալ կառույցի և Հայրենիքի միջև կապերի և մասնագիտական շփումների զարգացմանը:

«ՌՀՄ Բժիշկների Ասոցիացիայի նպատակները և խնդիրները» զեկույցով հանդես է եկել ՌԴ ԳԱ ակադեմիկոս Բ.Ալեքյանը, այնուհետև «Հայաստանի 4-րդ միջազգային բժշկական կոնգրեսի մասին» զեկույցով հանդես է եկել պրոֆեսոր Ա.Բաբլոյանը: Ելույթներ են ունեցել նաև ՀՀ գիտական միավորումների և ասոցիացիաների փորձագետները: Համաժողովի արդյունքներով հաստատվել է Ասոցիացիայի 2015-2016թթ. աշխատանքային ծրագիրը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր