ՌԴ Դաշնային Խորհրդի անդամները ծաղիկներ տեղադրեցին ՌԴ-ում ՀՀ դեսպանության առջև

22 հունվարի, 2015

Ս/թ. ՌԴ-ում ՀՀ դեսպանություն են այցելել և դեսպանության առջև ծաղիկներ տեղադրել ՌԴ Դաշնային Խորհրդի անդամներ` ՌԴ ԴԽ և ՀՀ ԱԺ-ի միջև տնտեսական համագործակցության հանձնաժողովի նախագահ Նիկոլայ Ռիժկովը, միջազգային հարցերով հանձնաժողովի ղեկավար Կոնստանտին Կոսաչյովը, դաշնային կառուցվածքի, տարածաշրջանային քաղաքականության, տեղական ինքնակառավարման և Հյուսիսի գործերով հանձնաժողովի անդամ Իգոր Չերնիշենկոն և սահմանադրական օրենսդրության և պետական շինարարության հանձնաժողովի անդամ Ժաննա Իվանովան` իրենց հարգանքի տուրքը մատուցելով Գյումրիում սպանված Ավետիսյանների ընտանիքի անդամների հիշատակին:

ՌԴ սենատորները միջխորհրդարանական հանձնաժողովի և ՌԴ Դաշնային Խորհրդի անունից ցավակցություններ են հայտնել Ավետիսյանների ընտանիքի ողբերգության կապակցությամբ:

Կ.Կոսաչյովը, հայտնելով ՌԴ ԴԽ միջազգային հանձնաժողովի կարեկցանքը, նշել է, որը այս ողբերգությունը անտարբեր չի թողել որևէ ՌԴ քաղաքացու, իսկ տեղի ունեցած հանցագործությունը չունի որևէ արդարացում և արժանի է խստագույնս դատապարտման:

Միաժամանակ ընդգծվել է, որ տեղի ունեցածը չպետք է բացասաբար ազդի Ռուսաստանի և Հայաստանի միջև հաստատված ավանդական բարեկամության վրա, որն ունի ամրության մեծ պաշար, հիմնված է երկու ժողովուրդների դարավոր հարաբերությունների և միմյանց հանդեպ տածած անկեղծ համակրանքի վրա:

Կ.Կոսաչյովը հայտնել է նաև, որ տեղի ունեցածը ՌԴ Դաշնային Խորհրդում դարձել է հանգամանալից ուսումնասիրման առարկա:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր