Մոսկվայում անցկացվեցին Հայոց ցեղասպանության 100-րդ տարելիցին նվիրված սգո և հիշատակման միջոցառումներ

24 ապրիլի, 2015

Ս/թ. ապրիլի 24-ի առավոտյան Մոսկվայի ՀԱԵ վանական համալիրի տարածքում մեկնարկեց Հայոց ցեղասպանության 100-րդ տարելիցին նվիրված սգո և հիշատակման արարողությունը, որին մասնակցեցին ՌԴ-ում ՀՀ դեսպան Օլեգ Եսայանը, ՌԴ ԱԳ նախարարի տեղակալ, պետքարտուղար Գրիգորի Կարասինը, Ռուսաստանի հայերի միության նախագահ Արա Աբրահամյանը և ՌԴ պետական և քաղաքական գործիչներ, ք. Մոսկվայի իշխանությունների բարձրաստիճան ներկայացուցիչներ և միջազգային ու տարածաշրջանային կառույցների ղեկավարներ, Մոսկվայի հայ համայնքի անվանի գործիչներ, հազարավոր մոսկվաբնակ հայեր:

ՀԱԵ վանական համալիրի տարածքում գտնվող “Սուրբ Պայծառակերպություն” եկեղեցում Ռուսաստանի և Նոր Նախիջևանի հայոց թեմի առաջնորդ Եզրաս արքեպիսկոպոս Ներսիսյանի առաջնորդությամբ մատուցվեց հոգեհանգստի կարգ` ի հիշատակ 1915թ.-ին Օսմանյան կայսերությունում նահատակված 1.5 միլիոն հայերի:

Այնուհետև վանական համալիրի տարածքում ՌԴ-ում ՀՀ դեսպանի կողմից բացվեց 1915թ.-ի զոհերի հիշատակին նվիրված հուշարձանն ու տեղի ունեցավ ծաղկեպսակների և ծաղիկների տեղադրման արարողությունը:

Նույն օրը Մոսկվայի Մ.Գորկու անվան զբոսայգում տեղի ունեցավ Մոսկվայի հայ համայնքային կառույցների խաղաղ հավաքը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր