Մոսկվայում հարգանքի տուրք մատուցեցին Սումգայիթի զոհերի հիշատակին

29 փետրվարի, 2016

Հայտնում ենք, որ ս/թ. փետրվարի 28-ին Մոսկվայի ՀԱԵ վանական համալիրի տարածքում գտնվող հուշակոթողի դիմաց տեղի ունեցավ ծաղկեպսակների և ծաղիկների զետեղման արարողություն` ի հիշատակ 1988թ. փետրվարի 27-ից 29-ը Սումգայիթյան ջարդերին զոհ դարձած անմեղ հայերի: Հիշատակի միջոցառմանը մասնակցեցին ՌԴ-ում ՀՀ դեսպան Օլեգ Եսայանը, ՀԱԵ Ռուսաստանի և Նոր Նախիջևանի Հայոց թեմի առաջնորդ Եզրաս արքեպիսկոպոս Ներսիսյանը, ՀԱՊԿ-ում ՀՀ լիազոր ներկայացուցիչ Դավիթ Վիրաբյանը, Մոսկվայում ԼՂՀ ներկայացուցիչ Ալբերտ Անդրյանն ու դեսպանության դիվանագիտական անձնակազմը:

Ներկաներին ուղղված խոսքով հանդես եկավ ՌԴ-ում ՀՀ դեսպան Օլեգ Եսայանը` ընդգծելով, որ 28 տարի առաջ ադրբեջանական իշխանությունների սանձահարմամբ տեղի ունեցած զարհուրելի իրադարձությունները չեն մոռացվել, և այդ հիշողությունը կփոխանցվի սերնդեսերունդ, քանի դեռ մեղսագործների քրեահանցավոր գործելակերպը չի ստացել համապատասխան իրավական, քաղաքական և բարոյական գնահատական:

Դեսպան Եսայանը հիշեցրեց նաև, որ Սումգայիթում և Ադրբեջանի այլ քաղաքներում սկսած վայրագությունները նպատակ էին հետապնդում կասեցնել ԼեռնայինՂարաբաղի՝ Ադրբեջանական ԽՍՀ-իկազմից դուրս գալու և Հայկական ԽՍՀ-ին միանալու հայության արդարացի մղումները:

Նշենք, որ նույն օրը Մոսկվայի ՀԱԵ վանական համալիրի Սուրբ Պայծառակերպություն եկեղեցում մատուցվեց հոգեհանգստի կարգ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր