Դեսպան Տողանյանն այցելեց Աստրախանի մարզ

06 մայիսի, 2017

ՌԴ-ում ՀՀ դեսպան Վարդան Տողանյանը մայիսի 5-ից 6-ը Աստրախանում մասնակցեց ՀԱԵ Ռուսաստանի և Նոր Նախիջևանի հայոց թեմի կազմավորման 300-ամյակին նվիրված հանդիսավոր միջոցառումներին:

Այցի շրջանակներում դեսպան Տողանյանը հանդիպում ունեցավ Աստրախանի նահանգապետ Ալեքսանդր Ժիլկինի հետ: Հանդիպմանը մասնակցեցին նաև ՀԱԵ Ռուսաստանի և Նոր Նախիջևանի հայոց թեմի առաջնորդ արքեպիսկոպոս Եզրաս Ներսիսյանը, ՌԴ Հարավային դաշնային շրջանում ՀՀ գլխավոր հյուպատոս Վարդան Ասոյանը, Ս. Հռիփսիմե եկեղեցու հոգևոր հովիվ Մարկոս Սարգսյանը և հայ համայնքի ներկայացուցիչներ:

Վարդան Տողանյանը և Ալեքսանդր Ժիլկինը մասնակցեցին երկու խաչքարերի բացման արարողությանը: Խաչքարերից մեկը նվիրված էր ՀԱԵ Ռուսաստանի և Նոր Նախիջևանի հայոց թեմի հիմնադրման 300 – ամյակին, իսկ երկրորդը` Աստրախանի նահանգի կազմավորման 300-ամյակին: Այդ խաչքարերը կանգնեցված են այն տարածքում, որտեղ 1706թ. Պետրոս Առաջինի հատուկ հրովարտակով կառուցվեց առաջին հայկական քարե Սբ. Աստվածածին եկեղեցին:

Նախկինում Աստրախանում գործել է 5 հայկական եկեղեցի: Ներկայումս Աստրախան քաղաքում կա միայն մեկ հայկական եկեղեցի` Սբ. Հռիփսիմեն:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր