ՌԴ-ում ՀՀ դեսպանն այցելեց Ռոստովի մարզ

17 մայիսի, 2017

Մայիսի 16-ին Դոնի Ռոստովում դեսպան Տողանյանը հանդիպեց Ռոստովի մարզի նահանգապետ Վասիլի Գոլուբևի հետ:

Հանդիպման ընթացքում կողմերը պայմանավորվածություն ձեռք բերեցին Դոնի մայրաքաղաքում Հայաստանի առևտրի տուն ստեղծելու մասին: Վասիլի Գոլուբևը իր աջակցությունը հայտնեց հայկական կողմի նախաձեռնությանը և հանձնարարեց Ռոստովի մարզի էկոնոմիկայի նախարարությանը մանրամասն ուսումնասիրել այդ հարցը:

Հանդիպմանը քննարկվեցին նաև Հայաստանի և Ռոստովի մարզի միջև հետագա համագործակցության հարցերը:

Ռոստովի մարզի և Հայաստանի միջև հարաբերությունների զարգացման առավել հեռանկարային ուղղություններից մեկը գյուղատնտեսությունն է:

Դեսպան Տողանյանը հայտնեց նաև հայկական կողմի ցանկությունը՝ պետական սուբսիդավորման հիմքով ձեռք բերելու «Rostselmash» գյուղատնտեսական մեքենաներ երկրի գյուղատնտեսական կարիքների համար:

ՌԴ-ում ՀՀ դեսպանը հանդիպեց նաև Դոնի Ռոստովի քաղաքապետ Վիտալի Կուշնարյովի հետ։ Հանդիպումներին ներկա էր նաև ՌԴ Հարավային դաշնային շրջանում (ՀԴՇ) ՀՀ գլխավոր հյուպատոս Վարդան Ասոյանը:

Մայիսի 17-ին դեսպան Տողանյանն այցելեց «Սուրբ Խաչ» և «Սուրբ Հարություն» եկեղեցիները: ՌԴ-ում ՀՀ դեսպանը հանդիպում ունեցավ հայկական հոգևոր-կրթական կենտրոնի սաների և տեղի հայ համայնքային կառույցների ներկայացուցիչների հետ:

Ռոստովի մարզում դեսպան Տողանյանը այցելեց նաև Ռուս-հայկական բարեկամության թանգարան, որտեղ ծանոթացավ ներկայացված ցուցանմուշներին:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր