Դեսպան Տողանյանը այցելել է Կրասնոդարի երկրամաս

04 հուլիսի, 2017

Ս/թ. հուլիսի 3-ին Կրասնոդարում կայացել է ՌԴ-ում ՀՀ դեսպան Վարդան Տողանյանի և Կրասնոդարի երկրամասի նահանգապետ Վենիամին Կոնդրատևի աշխատանքային հանդիպումը: Հանդիպման ընթացքում կողմերը քննարկել են Հայաստանի և Կրասնոդարի երկրամասի միջև առևտրա-տնտեսական հարաբերությունների զարգացմանն ուղղված մի շարք հարցեր:

ՌԴ-ում ՀՀ դեսպան Վարդան Տողանյանը առաջարկել է Կրասնոդարում ստեղծել Հայաստանի առևտրի տուն, որտեղ ներկայացված կլինեն հայ արտադրողների ապրանքներն ու ծառայությունները: Վենիամին Կոնդրատևն իր հերթին նշել է, որ Հայաստանը հանդիսանում է Կրասնոդարի երկրամասի կարևոր գործընկերը:

Աշխատանքային այցի շրջանակներում Վարդան Տողանյանը այցելել է «Սուրբ Սահակ-Սուրբ Մեսրոպ» հայկական եկեղեցին և Պաշկովկա շրջանում գործող հայկական մշակութային կենտրոնը, որտեղ հանդիպել է հայ համայնքի ներկայացուցիչների հետ:

Կրասնոդարում դեսպան Տողանյանը հանդիպել է նաև Հայ առաքելական եկեղեցու Հարավային Ռուսաստանի թեմի առաջնորդ եպիսկոպոս Մովսես Մովսեսյանի հետ:

Կրասնոդար աշխատանքային այցի շրջանակներում դեսպան Տողանյանը այցելել է «CLAAS» գյուղատնտեսական մեքենաշինական գործարանը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր