ՀՀ ԱԺ նախագահ Արա Բաբլոյանի գլխավորած պատվիրակությունը պաշտոնական այց է կատարել Մոսկվա

18 հուլիսի, 2017

Ս/թ. հուլիսի 17-ից 18-ը ՀՀ ԱԺ նախագահ Արա Բաբլոյանի գլխավորած պատվիրակությունը պաշտոնական այցով գտնվել է Մոսկվայում:

ՌԴ պաշտոնական այցի շրջանակներում ՀՀ ԱԺ նախագահը ս/թ. հուլիսի 17-ին հանդիպել է ՌԴ ԴԺ Պետական դումայի նախագահ Վյաչեսլավ Վոլոդինի հետ:

Նույն օրը կայացել է Արա Բաբլոյանի հանդիպումը ՌԴ ԴԺ Դաշնության խորհրդի նախագահ Վալենտինա Մատվիենկոյի հետ: Հանդիպման ընթացքում կողմերը քննարկել են երկու երկրների միջև միջխորհրդարանական համագործակցությանը վերաբերող մի շարք հարցեր:

Հուլիսի 18-ին ՀՀ ԱԺ նախագահ Արա Բաբլոյանը հանդիպել է Մոսկվայի և Համայն Ռուսիո Պատրիարք Նորին Սրբություն Կիրիլի հետ:

ՀՀ ԱԺ պատվիրակությունն այցելել է նաև Հայ Առաքելական եկեղեցու Ռուսաստանի և Նոր Նախիջևանի թեմի առաջնորդանիստ Սուրբ Պայծառակերպություն եկեղեցի, ինչպես նաև մասնակցել է հայ համայնքի ներկայացուցիչների հետ հանդիպմանը:

Այցի շրջանակներում ՀՀ ԱԺ նախագահ Արա Բաբլոյանի գլխավորած պատվիրակության անդամները ծաղկեպսակ և ծաղիկներ են դրել Անհայտ զինվորի շիրմաքարին:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր