Չեչնիայում վերահուղարկավորվել են Մեծ հայրենականում անհետ կորած զինվորների աճյունները

02 հոկտեմբերի, 2017

Ս/թ. հոկտեմբերի 1-ին ՌԴ Չեչնիայի Հանրապետության Նաուրսկի շրջանի Իշերսկայա բնակավայրում տեղի է ունեցել 70 խորհրդային զինվորների, որոնց թվում՝ 1942թ․-ին նշյալ շրջանում և հարակից վայրերում տեղի ունեցած մարտական գործողությունների ժամանակ տասնչորս զոհված հայազգի զինվորականների աճյունների հողի հանձնման արարողությունը։

Արարողությանը մասնակցել են ՌԴ-ում ՀՀ Արտակարգ և լիազոր դեսպան Վարդան Տողանյանը, Չեչնիայի Հանրապետության ազգային քաղաքականության, արտաքին կապերի, տպագրության և տեղեկատվության նախարար Ջամբուլատ Ումարովն ու հանրապետության այլ պաշտոնատար անձինք, ինչպես նաև զոհված զինվորների ազգականները։

Նշենք, որ զինվորների աճյունները հայտնաբերվել էին այս տարվա մարտ-ապրիլ ամիսներին Չեչնիայի Հանրապետության տարածքում իրականացված որոնողական աշխատանքների արդյունքում։

Հայ զինվորների պատվին եղբայրական գերեզմանի մոտ բացվել է Հայրենական Մեծ պատերազմի ճակատում զոհված հայազգի զինվորների հիշատակը հավերժացնող հուշարձանը (հեղ.՝ Աշոտ Թադևոսյան)։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր