«Երաժշտությունը որպես շփման լեզու». Հայաստանի երիտասարդական նվագախումբը ելույթ է ունեցել Մոսկվայի կոնսերվատորիայի մեծ դահլիճում

19 նոյեմբերի, 2017

Ռուսաստանում Հայաստանի մշակույթի օրերի շրջանակներում ս/թ․ նոյեմբերի 18-ին Մոսկվայի Պ.Ի.Չայկովսկու անվան կոնսերվատորիայի մեծ դահլիճում տեղի է ունեցել Հայաստանի պետական երիտասարդական նվագախմբի համերգը՝ կազմակերպված ՌԴ և ՀՀ մշակույթի նախարարությունների, ՌԴ-ում ՀՀ դեսպանության և «Ռոսկոնցերտ»-ի աջակցությամբ:

Երեկոյին ներկա են գնտվել ՀՀ Ազգային ժողովի և ՌԴ ԴԺ Դաշնային Խորհրդի նախագահներ Արա Բաբլոյանը և Վալենտինա Մատվիենկոն, ՀՀ մշակույթի նախարար Արմեն Ամիրյանը, ՌԴ-ում ՀՀ դեսպան Վարդան Տողանյանն ու Հայաստանի և Ռուսաստանի մտավորականության ներկայացուցիչներ:

Հայաստանի պետական երիտասարդական նվագախումբը կատարել է հայ և ռուս հայտնի կոմպոզիտորների ստեղծագործությունները` Կոնստանտին Օրբելյանի, Վլադիմիր Սպիվակովի, Էդուարդ Թոփչյանի և Սերգեյ Սմբատյանի ղեկավարությամբ:

Երեկոն վարել են Սաթի Սպիվակովան և Գարիկ Մարտիրոսյանը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր