Կայացել է ՌԴ-ում ՀՀ դեսպանի և ՌԴ փոխվարչապետի հանդիպումը

10 մարտի, 2022

Ս/թ․ մարտի 10-ին տեղի է ունեցել Ռուսաստանի Դաշնությունում Հայաստանի Հանրապետության դեսպան Վաղարշակ Հարությունյանի և Ռուսաստանի Դաշնության փոխվարչապետ Ալեքսեյ Օվերչուկի հանդիպումը։

Զրույցի ընթացքում Ա․Օվերչուկը շնորհավորել է Վ․Հարությունյանին ՌԴ-ում ՀՀ դեսպանի պաշտոնը ստանձնելու առթիվ՝ մաղթելով հաջողություններ հետագա գործունեության ընթացքում։ Դեսպան Վ․Հարությունյանն իր հերթին շնորհակալություն է հայտնել Ա․Օվերչուկին ջերմ ընդունելության և բարեմաղթանքների համար՝ ընդգծելով հայ-ռուսական հարաբերությունների հետագա զարգացմանն ուղղված համատեղ արդյունավետ աշխատանքի կարևորությունը։

Կողմերը քննարկել են Հայաստանի Հանրապետության և Ռուսաստանի Դաշնության միջև տնտեսական համագործակցության միջկառավարական հանձնաժողովի օրակարգում ներառված մի շարք հարցեր, անդրադարձ են կատարել ԵԱՏՄ շրջանակներում երկու երկրների միջև համագործակցությանը։

ՌԴ փոխվարչապետը գոհունակություն է հայտնել հայ-ռուսական բազմոլորտ համագործակցության ընթացքից՝ ընդգծելով փոխգործակցության ողջ ներուժի զարգացման կարևորությունը։ Բարձր գնահատելով երկկողմ հարաբերությունների ներկայիս մակարդակը՝ ՌԴ-ում ՀՀ դեսպանը նշել է Ռուսաստանի առանձնահատուկ դերը Հայաստանի տնտեսական կյանքում և տարածաշրջանի առանցքային հարցերում։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր