ՌԴ-ում ՀՀ դեսպանն այցելել է Լազարյանների անվան մոսկովյան դպրոցը

25 մարտի, 2022

Մարտի 25-ին ՌԴ-ում ՀՀ դեսպան Վաղարշակ Հարությունյանն այցելել է Լազարյանների անվան մոսկովյան №2042 հանակրթական դպրոցը (հայերեն, արաբերեն և պարսկերեն լեզուների խորացված ուսուցմամբ)։

Դիվ․ ներկայացուցչության ղեկավարը ծանոթացել է դպրոցի պատմությանն ու գործունեությանը։ Դպրոցի հայկական էթնոկրթական ծրագրի շրջանակներում ուսուցանվում են հայոց լեզու և գրականություն, հայ ժողովրդի պատմություն առարկաները։

Դպրոցի տնօրեն Գայանե Աբրահամյանի հետ զրույցի ընթացքում քննարկվել են դեսպանության և ուս․հաստատության համագործակցությանն առնչվող հարցերը։ Դեսպան Վ․Հարությունյանը հայտնել է իր պատրաստակամությունն աջակցելու դպրոցի հետագա նախաձեռնությունների կյանքի կոչմանը։

Լազարյանների անվան №2042 դպրոցը միակ հանրակրթական ուս․ հաստատությունն է ք․Մոսկվայում, որտեղ ուսուցանվում է հայոց լեզու առարկան։ Դպրոցը հիմնադրվել է 2008թ․ ՌԴ պատվավոր ուսուցիչ Սեդա Գալոյանի նախաձեռնությամբ։ Լազարյանների անվ․ դպրոցը հանդիսանում է Սպիտակի երկրաշարժից հետո բացված մոսկովյան №1110 դպրոցի իրավահաջորդը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր