Դեսպանության Մշակույթի կենտրոնը տոնեց իր վերաբացման 4-ամյակը

15 ապրիլի, 2022

Ս/թ․ ապրիլի 15-ին ՌԴ-ում ՀՀ դեսպանության շքասրահում տեղի ունեցավ դիվանագիտական ներկայացուցչության ներքո գործող Մշակույթի կենտրոնի վերաբացման օրվան նվիրված հանդիսավոր միջոցառումը։

Երեկոն մեկնարկեց Մշակույթի կենտրոնի պատմությանն ու վերաբացումից ի վեր գործունեությանը նվիրված տեսանյութի ցուցադրմամբ։

Միջոցառմանը ողջույնի խոսքով հանդես եկավ ՌԴ-ում ՀՀ արտակարգ և լիազոր դեսպան Վաղարշակ Հարությունյանը։ ՌԴ-ում ՀՀ դեսպանն իր խոսքում կարևորեց Մշակույթի կենտրոնի գործունեությունը, որն ուղղված է Ռուսաստանում հայկական մշակույթի հանրահռչակմանը։

«Վերաբացված Մշակույթի կենտրոնը կարողանում է մեր օրերում մեծ հաջողությամբ կյանքի կոչել իր առջև դրված պատասխանատու առաքելությունը, այն է՝ պահպանել հարուստ մշակութային ժառանգությունը, ներկայացնել այն հանրային լայն շրջանակներին և բազմապատկել այս պատերի ներքո սկիզբ առած լավագույն ավանդույթները», - նշեց դեսպան Վ․Հարությունյանը։

Իր հերթին Մշակույթի կենտրոնի ղեկավար Վլադիմիր Գաբբեն, ելույթ ունենալով միջոռմանը, ներկայացրեց կենտրոնի նոր հայեցակարգն ու խոսեց ապագա նախաձեռնությունների մասին։

Երեկոն շարունակվեց ՌԴ վաստակավոր արտիստ Վյաչեսլավ Օլխովսկու, «Moscow Classic Ensemble» նվագախմբի և կենտրոնի ստեղծագործական խմբերի ելույթներով։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր