Կայացել է Ալեքսանդր Պուշկինի արձանի բացման հանդիսավոր արարողությունը

22 ապրիլի, 2022

Ապրիլի 22-ին Վանաձոր-Տաշիր ավտոճանապարհի Պուշկինի ոլորաններ կոչվող հատվածում տեղի է ունեցել Ալեքսանդր Պուշկինի արձանի բացման հանդիսավոր արարողությունը:

Ներկա են եղել ՀՀ ԱԺ նախագահի տեղակալ Հակոբ Արշակյանը, ՌԴ-ում ՀՀ դեսպան Վաղարշակ Հարությունյանը, ՀՀ-ում ՌԴ դեսպան Սերգեյ Կոպիրկինը, ՀՀ ԱԺ և ՌԴ ԴԺ միջեւ համագործակցության միջխորհրդարանական հանձնաժողովի անդամներն ու ռուսական համայնքի ներկայացուցիչները:

Այս տարի լրանում է Հայաստանի և Ռուսաստանի միջեւ դիվանագիտական հարաբերությունների հաստատման 30-ամյակը: Այդ հոբելյանի շրջանակում է անցկացվում Հայաստանի Հանրապետության Ազգային ժողովի և Ռուսաստանի Դաշնության Դաշնային ժողովի միջեւ համագործակցության միջխորհրդարանական հանձնաժողովի 34-րդ նիստը, որն այս անգամ տեղի է ունենում Ստեփանավանում:

Լուսանկարը՝ ՀՀ ԱԺ մամլո ծառայություն։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր