Մոսկվայում կայացավ միջոցառում՝ նվիրված հայ, ռուս և իրանցի ժողովուրդների բարեկամությանը

21 մայիսի, 2022

Մայիսի 20-ին Մոսկվայի ազգությունների տանը կայացավ «Մետաղագործների քաղաք Ֆուլադշեհր՝ ռուս-հայկական-իրանական բարեկամության խորհրդանիշ» խորագրով միջոցառումը՝ նվիրված խորհրդային հայազգի ճարտարապետ Անատոլի Մելիք-Փաշաևի կողմից քաղաքի ստեղծման 50-ամյա հոբելյանին։ Միջոցառման նախաձեռնող՝ «Արարատ» հայկական մշակութային և լուսավորչական միություն։

Հոբելյանական երեկոյին հանգամանալից զեկույցով հանդես եկավ քաղաքի շինարարության ակտիվ մասնակիցներից մեկը, Մոսկվայի հայ համայնքի ներկայացուցիչ, վաստակավոր շինարար Ֆելիքս Թանդիլովը։ Երեկոն վարեց հասարակական գործիչ, հայագետ Ալեքսանդր Երկանյանը։

Ողջույնի խոսքով միջոցառմանը հանդես եկավ ՌԴ-ում ՀՀ դեսպանության խորհրդական Էդվարդ Ջամբազյանը, ով իր խոսքում կարևորեց հայ, ռուս և իրանցի ժողովուրդների միջև բարեկամությանը նվիրված նախաձեռնությունների իրականացումը։

Միջոցառմանը ներկա գտնվեցին իրանական, տաջիկական և ասորական համայնքի ներկայացուցիչներ։ Երեկոյի ընթացքում ներկայացվեց նաև մշակութային ծրագիր։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր