Դեսպանությունում կայացավ Գ․Գաբրիելյանի հիշատակին նվիրված միջոցառումը

27 մայիսի, 2022

Մայիսի 26-ին ՌԴ-ում ՀՀ դեսպանության շքասրահում տեղի ունեցավ անվանի հասարակական և մշակութային գործիչ Գագիկ Գաբրիելյանի հուշ-երեկոն։ Միջոցառման նախաձեռնող՝ դեսպանության Մշակույթի կենտրոն։

Երեկոյի ընթացքում ողջույնի ելույթներով հանդես եկան ՌԴ-ում ՀՀ դեսպանության դեսպանորդ Արսեն Առաքելյանը, դիվ․ներկայացուցչության Մշակույթի կենտրոնի ղեկավար Վլադիմիր Գաբբեն, Գ․Գաբրիելյանի այրին՝ Անահիտ Մելիքյանը։

Ներկաներին ցուցադրվեց Գ․Գաբրիելյանի գործունեության մասին պատմող վավերագրական ֆիլմը։ Երեկոյի ընթացքում կայացավ նաև մշակույթի գործչին նվիրված գրքի շնորհանդեսը։

Ելույթներով հանդես եկան երկար տարիներ Գագիկ Գաբրիելյանի հետ համագործակցած երաժշտական խմբերն ու մենակատարները։

***

2022թ․մայիսի 22-ին Գ․Գաբրելյանը կդառնար 70 տարեկան։ Երկար տարիներ նա աշխատեց Մոսկվայում Հայաստանի մշտական ներկայացուցչությունում, ՌԴ-ում ՀՀ դեսպանությունում՝ գլխավորելով դիվ․ներկայացուցչության Մշակույթի կենտրոնը, ինչպես նաև «Արամ Խաչատուրյան» հիմնադրամը։ Գ․Գաբրիելյանը կյանքից անժամանակ հեռացավ 2021թ․ հունվարին։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր