ՌԴ-ում ՀՀ դեսպանը հանդիպել է Հաղթանակի թանգարանի ղեկավարության հետ

15 հուլիսի, 2022

Հուլիսի 15-ին ՌԴ-ում ՀՀ դեսպան Վաղարշակ Հարությունյանը հանդիպել է Մոսկվայի Հաղթանակի թանգարանի փոխտնօրեն Սվետլանա Լյուբենկովայի, թանգարանի միջազգային կապերի ուղղության ղեկավար Անաստասիա Կրետովայի և «Հաղթանակի դեմքեր» ծրագրի ղեկավար Անդրեյ Շիրոկովի հետ։

Զրույցի ընթացքում ընդգծվել է տարաբնույթ ծրագրերի շրջանակում դիվ․ ներկայացուցչության և Հաղթանակի թանգարանի միջև համագործակցության խորացման կարևորությունը։

Հանդիպմանը քննարկվել են Հայրենական մեծ պատերազմում հայ ժողովրդի մասնակցության վերաբերյալ թանգարանին վավերագրական նյութեր տրամադրելու հարցը՝ հետագայում ցուցադրությունների շրջանակներում դրանք ներկայացնելու նպատակով։

Կողմերն անդրադարձել են նաև Հայրենական մեծ պատերազմին և Երկրորդ աշխարհամարտին նվիրված Ռուսաստանի ռազմական և պատմական գլխավոր թանգարանի և Հայաստանի թանգարանների միջև համագործակցության ընդլայնման հեռանկարներին։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր