Դեսպան Վ․Հարությունյանը Գիտելիքի օրվա առթիվ այցելել է Լազարյանների անվան հ․2042 դպրոց

01 սեպտեմբերի, 2022

Սեպտեմբերի 1-ին՝ Գիտելիքի օրը, ՌԴ-ում ՀՀ դեսպան Վաղարշակ Հարությունյանն այցելել է հայերեն, արաբերեն և պարսկերեն լեզուների խորացված ուսուցմամբ Լազարյանների անվան մոսկովյան հ․2042 դպրոցը։

Դեսպան Վ․Հարությույանը դպրոցի տնօրեն Գ. Աբրահամյանի հետ ունեցած առանձնացրույցի ընթացքում քննարկել է համագործակցությանն առնչվող հարցեր։

ՌԴ-ում ՀՀ դեսպանը ողջույնի ելույթով հանդես է եկել նաև նոր ուսումնական տարվա մեկնարկի առթիվ դպրոցում կազմակերպված հանդիսավոր միջոցառմանը։

Իր խոսքում Վ․Հարությունյանը շնորհավորել է դպրոցի ուսուցչական կազմին և աշակերտներին Գիտելիքի օրվա առթիվ՝ մաղթելով հաջողություններ կրթական գործընթացում։ ՌԴ-ում ՀՀ դեսպանն ընդգծել է, որ հ․2042 դպրոցն հաջողությամբ շարունակում է հայերեն լեզվի, գրականության և պատմության ուսուցանումը և իրականացնում առանձնահատուկ առաքելություն՝ ուղղված հայ-ռուսական կրթական և հումանիտար համագործակցության ամրապնդմանը։

ՌԴ-ում ՀՀ դեսպանը հրավիրել է նաև Լազարյանների անվ․ դպրոցի սաներին այցելել ՌԴ-ում ՀՀ դեսպանություն, որը տեղակայված է Լազարյանների անվ․արևելյան լեզուների ինստիտուտի պատմական շենքում։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր