Էրեբունի ամրոցի պեղումներին նվիրված կլոր-սեղան քննարկում՝ Ա․Ս․ Պուշկինի անվ․ կերպարվեստի պետական թանգարանում

07 սեպտեմբերի, 2022

Սեպտեմբերի 5-ին Մոսկվայում՝ Ա․Ս․ Պուշկինի անվ․ կերպարվեստի պետական թանգարանում, տեղի է ունեցել «Էրեբունի 1952-1977։ ՀԽՍՀ Գիտությունների ակադեմիայի և Ա․Ս․Պուշկինի անվան կերպարվեստի պետական թանգարանի համատեղ հնագիտական արշավախմբի մեկնարկի 70-ամյակը» խորագրով կլոր-սեղան քննարկումը։

Նախաձեռնության շրջանակում՝ նվիրված Էրեբունի ամրոցի հնագիտական պեղումներին, ռուսաստանցի և հայաստանցի մասնագետները քննարկել են պատմական հուշարձանի տարածքում մոնումենտալ գեղանկարչության հայտնաբերման և ուսումնասիրման պատմությանն առնչվող հարցեր, ներկայացրել են ուրարտական մոնումենտալ կերպարվեստի պահպանված հատվածների վերականգնման աշխատանքները, ինչպես նաև անդրադարձել Հայաստանում ընթացող նոր պեղումների արդյունքներին։

Կլոր-սեղան քննարկմանը ներկա է եղել ՌԴ-ում ՀՀ դեսպանության երրորդ քարտուղար Հռիփսիմե Մարկոսյանը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր