Դեսպան Վ․Հարությունյանը հանդիպել է Ռուսաստանի ազգությունների հարցերով դաշնային գործակալության ղեկավար Ի․Բարինովի հետ

13 սեպտեմբերի, 2022

Սեպտեմբերի 13-ին դեսպանությունում կայացել է ՌԴ-ում ՀՀ դեսպան Վաղարշակ Հարությունյանի և Ռուսաստանի ազգությունների հարցերով դաշնային գործակալության ղեկավար Իգոր Բարինովի հանդիպումը։

Դեսպան Վ․ Հարությունյանը, ողջունելով Ի․ Բարինովին, ընդգծել է դեսպանության և դաշնային գործակալության միջև շփումների ընդլայնման կարևորությունը՝ երկկողմ հետաքրքրություն ներկայացնող ոլորտներում հայ-ռուսական համագործակցության խորացման նպատակով։

Ի․ Բարինովը ներկայացրել է գործակալության գործունեությունն ու համագործակցության առանցքային ուղղություններն, ինչպես նաև ընդգծել Ռուսաստանի հայ համայնքի արդյունավետ ներգրավվածությունն ու ունեցած մեծ ավանդը տարբեր բնագավառներում։

Զրուցակիցներն առանձնահատուկ ուշադրություն են դարձրել են ազգամիջյան հարաբերություններին, հումանիտար և կրթական ծրագրերին՝ ուղղված հայ-ռուսական հարաբերությունների խորացմանը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր