Դեսպան Վ․ Հարությունյանն իր հավատարմագրերն է հանձնել ՌԴ նախագահ Վ․ Պուտինին

20 սեպտեմբերի, 2022

Հայտնում ենք, որ ս/թ․ սեպտեմբերի 20-ին Կրեմլի մեծ պալատի Ալեքսանդրովյան դահլիճում տեղի ունեցած պաշտոնական արարողության ժամանակ Ռուսաստանի Դաշնությունում Հայաստանի Հանրապետության դեսպան Վաղարշակ Հարությունյանն իր հավատարմագրերն է հանձնել Ռուսաստանի Դաշնության նախագահ Վլադիմիր Պուտինին։

ՌԴ նախագահ Վ․Պուտինն, ելույթ ունենալով հավատարմագրերի հանձնման արարողությանը, ընդգծել է, որ Հայաստանը հանդիսանում է Ռուսաստանի մտերիմ բարեկամն ու ռազմավարական դաշնակիցը։ ՌԴ նախագահը շնորհավորել է հայ ժողովրդին և ՀՀ ղեկավարությանը սեպտեմբերի 21-ին նշվող Անկախության օրվա առթիվ։

Վ․Պուտինն ընդգծել է նաև, որ այս տարի նշվում է ՀՀ և ՌԴ միջև դիվանագիտական հարաբերությունների հաստատման 30-ամյակը և երկու երկրների միջև Բարեկամության, համագործակցության և փոխադարձ օգնության պայմանագրի 25-ամյակը։

ՌԴ նախագահը շեշտել է, որ երկու երկրները շարունակում են ինտենսիվ քաղաքական երկխոսությունը։

Իր ելույթում Վ․ Պուտինն անդրադարձել է նաև ՀԱՊԿ հատուկ առաքելությանը, որին հանձնարարված է իրավիճակի ուսումնասիրության արդյունքում պատրաստել առաջարկներ Հավաքական անվտանգության խորհրդի համար, ինչպես նաև նշել, որ այս տարվա նոյեմբերին Երևանում կկայանա ՀԱՊԿ ամենամյա գագաթնաժողովը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր