Դեսպան Վ․ Հարությունյանը հանդիպել է Սանկտ Պետերբուրգի հայ համայնքի ներկայացուցիչների հետ

07 հոկտեմբերի, 2022

Հոկտեմբերի 6-ին ՌԴ-ում ՀՀ դեսպան Վաղարշակ Հարությունյանը Սանկտ Պետերբուրգում՝ ՀՀ Գլխավոր հյուպատոսության շենքում, հանդիպում է ունեցել տեղի հայ համայնքի ներկայացուցիչների հետ։

Դեսպան Վ․ Հարությունյանը հանդիպմանը քննարկել է հայ համայնքի ներկայացուցիչների հետ կապերի և համագործակցության ընդլայնմանն ուղղված տարաբնույթ հարցեր։

ՌԴ-ում ՀՀ դեսպանն իր խոսքում կարևորել է հայ համայնքի ակտիվ մասնակցությունը Հայաստանի և Ռուսաստանի միջև միջտարածաշրջանային համագործակցության զարգացմանն ուղղված ծրագրերում և նախաձեռնություններում։

Անդրադարձ է կատարվել հայ-ռուսական դաշնակցային հարաբերությունների արդի փուլին, տարբեր բնագավառներում երկկողմ փոխգործակցության հեռանկարներին։

ՌԴ-ում ՀՀ դեսպանն իր խոսքում անդրադարձ է կատարել նաև Ադրբեջանի կողմից Հայաստանի ինքնիշխան տարածքի նկատմամբ այս տարվա սեպտեմբերին սանձազերծված լայնածավալ ագրեսիայի հետևանքով ստեղծված իրավիճակին և տարածաշրջանում ընթացող զարգացումներին։

Հանդիպման ընթացքում Վ․Հարությունյանը պատասխանել է հայ համայնքի ներկայացուցիչների մի շարք հարցերի:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր