Դեսպանությունում կայացել է ՀՀ քաղաքացիների երդման հանդիսավոր արարողությունը

25 հոկտեմբերի, 2022

Հոկտեմբերի 25-ին ՌԴ-ում ՀՀ դեսպանության շքասրահում տեղի է ունեցել ՀՀ քաղաքացիություն ստացած անձանց երդման հանդիսավոր արարողությունը։

Ողջույնի խոսքով միջոցառմանը հանդես է եկել դեսպանության դեսպանորդ Արսեն Առաքելյանը։

Հանդիսավոր արարողությանն ընթերցվել է քաղաքացիության շնորհման վերաբերյալ ՀՀ նախագահի հրամանագիրը։ ՀՀ քաղաքացիություն ձեռք բերած անձինք երդում են տվել հավատարիմ լինել Հայաստանի Հանրապետությանը, պահպանել ՀՀ Սահմանադրությունն ու օրենքները, պաշտպանել ՀՀ անկախությունն ու տարածքային ամբողջականությունը, ինչպես նաև պարտավորվել հարգել ՀՀ պետական լեզուն, ազգային մշակույթն ու սովորույթները։

Այնուհետև հնչել է ՀՀ պետական օրհներգը։

Միջոցառման ավարտին դեսպանության հյուպատոս Գայանե Մկրտչյանը, շնորհավորելով ներկաներին, հանձնել է վերջիններիս ՀՀ քաղաքացու անձնագրերը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր