Դեսպան Վ․Հարությունյանը Սոչիում հանդիպել է հայ համայնքի ներկայացուցիչների հետ

02 նոյեմբերի, 2022

Նոյեմբերի 1-ին Սոչիի քաղաքային ժողովի շենքում տեղի է ունեցել ՌԴ-ում ՀՀ դեսպան Վաղարշակ Հարությունյանի հանդիպումը տեղի հայ համայնքի ներկայացուցիչների հետ։

Հանդիպմանը մասնակցել են Սոչիի քաղաքային ժողովի և Կրասնոդարի օրենսդիր ժողովի հայազգի պատգամավորները, գործարար շրջանակների ներկայացուցիչները, գիտության, մշակույթի գործիչներն ու երիտասարդական կառույցների անդամները։

ՌԴ-ում ՀՀ դեսպանն իր ելույթում ընդգծել է Ռուսաստանի հայ համայնքի ներկայացուցիչների հետ հանդիպումների կազմակերպման կարևորությունը, որոնք միտված են հարցերի լայն շրջանակի առարկայական քննարկմանն ու փոխգործակցության ամրապնդմանը։

Հանդիպման ընթացքում Վ․Հարությունյանը ներկայացրել է ս/թ․հոկտեմբերի 31-ին ՀՀ վարչապետի և ՌԴ նախագահի միջև Սոչիում կայացած երկկողմ հանդիպման և Հայաստանի, Ռուսաստանի և Ադրբեջանի ղեկավարների միջև տեղի ունեցած եռակողմ բանակցությունների արդյունքները։

Հանդիպմանն առանձին քննարկվել են ՀՀ և ՌԴ միջև միջտարածաշրջանային համագործակցության ծրագրերում և նախաձեռնություններում հայ համայնքի մասնակցության հարցերը։

Դեսպան Վ․Հարությունյանը պատասխանել է նաև ներկաների հարցերին, որոնք վերաբերել են հայ-ռուսական դաշնակցային համագործակցության հեռանկարներին և տարածաշրջանում տիրող իրավիճակին։

Հանդիպմանը ներկա են եղել նաև դեսպանության խորհրդական (ք․Սոչի) Մհեր Բադալյանը և դեսպանության ներքո ՀՀ քննչական կոմիտեի ներկայացուցիչ Իլյա Վարովը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր