Դեսպան Վ․ Հարությունյանը հանդիպել է Հայաստանի վետերանների միության ղեկավարության հետ

11 նոյեմբերի, 2022

Նոյեմբերի 11-ին ՌԴ-ում ՀՀ դեսպան Վաղարշակ Հարությունյանը հանդիպել է Մոսկվայում գնտվող մարշալ Հ․Բաղրամյանի անվ․ Հայաստանի վետերանների միության նախագահ Սիմոն Եսայանի և նախագահի տեղակալ Ելենա Շուվաևա-Պետրոսյանի հետ։

Հանդիպմանը քննարկվել են մի շարք հարցեր՝ կապված ԽՍՀՄ երկակի հերոս, մարշալ Հովհաննես Բաղրամյանի ծննդյան 125-ամյակին նվիրված միջոցառումների կազմակերպման հետ։

Զրուցակիցներն անդրադարձել են նաև Հայրենական մեծ պատերազմում հայ ժողովրդի ներդրումին նվիրված միջոցառումների անցկացմանն, ինչպես նաև քննարկել հայ ժողովրդի մասնակցությանը նվիրված նյութերի պատրաստման և հետագայում դրանք Մոսկվայի Հաղթանակի թանգարանում ներկայացման հարցը։

Հանդիպմանն ընդգծվել է դեսպանության և վետերանների միության միջև վերոնշյալ ուղղություններով համագործակցության զարգացման կարևորությունը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր