Տեղի է ունեցել հայկական կիրակնօրյա դպրոցների ղեկավարների հավաքը

23 դեկտեմբերի, 2022

Դեկտեմբերի 22-ին ՌԴ-ում ՀՀ դեսպանության Մշակույթի կենտրոնում տեղի է ունեցել Մոսկվայում և Մոսկվայի մարզում գործող հայկական կիրակնօրյա դպրոցների ղեկավարների հավաքը։ Որպես նախաձեռնության համակարգող հանդես է եկել դեսպանության ներքո գործող Մշակույթի կենտրոնը։

Դեսպանության երկրորդ քարտուղար Գեղամ Ադամյանը հանդիպման մասնակիցներին փոխանցել է ՌԴ-ում ՀՀ դեսպան Վաղարշակ Հարությունյանի ողջույնի խոսքը։

Ելույթներով հանդես են եկել Մշակույթի կենտրոնի ղեկավար Վլադիմիր Գաբբեն և հանդիպման մասնակիցները։

Նախաձեռնության շրջանակում քննարկվել են կիրակնօրյա դպրոցների համակարգող կենտրոնի աշխատանքներին վերաբերող տարաբնույթ հարցեր։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր